古匯基哥喉麻麻，拍馬都唔及得古巨基，甚至乎是拉牛上樹，自愧形穢，加上古巨基珠玉在前，古匯基想做歌星肯定收皮，不如搞第科好過，所以揀了投資這一方面發展。

勢估唔到，在投資市場上，也見到拉牛上樹的現象，都是說出來叫大家警惕警惕好了。

近期，美國股市雖然連續多日上揚，但成交額甚為奀豬，曾經一日只得7億股成交，如同拉牛上樹。如果淡友發功，推低美股及港股，難度不高，在股市炒出炒入的股民，提防領檔。